I samband med oppstart av arbeid med reguleringsplan på Nyre gnr. 194 og 195, Voss kommune, vart det i samsvar med § 9 i Lov om kulturminne føreteke ei arkeologisk registrering i området. Arbeidet vart utført i perioden 28. august til 15. september 2006 av arkeologene Vigdis Berge og Tore Slinning. Det vart ved registeringa påvist busettings -og jordbruksspor frå seinneolitikum/eldre bronsealder og jernalder. Funna er automatisk freda og kjem under Lov om kulturminne § 4. Funnområda er målt inn og lagt inn i den nasjonale forminnedatabasen Askeladden.